15 49.0138 8.38624 1 0 4000 1 https://wyrta.com 300 0
Advertisement ad1

Nei kheiñ stiñ ka GRIL chitom ki paidbah liang wanang wa sih u sarok

0 Comments
Advertisement ad1
Advertisement ad1

Jowai: I yatyrrah kari ha kini ki sngi ki tayaw da joor bha i wei boon ki por toh neidaw wa bakla ki bru, tangwa em won ki por wa jia kamni neidaw wa joor wa sih u sarok iwa da wanrah yei boon i jia wa sniawsih.

U sarok Jowai-Malidor wa dang chna pynheh katni da ka GR Infraproject Ltd. (GRIL) toh uwa da sih bha ha i bynta Umkiang heiwa da pyntip u D. Sutnga uwa man leh kam u Vice President ka BJYM 5-Sutnga Saipung Mandal wa da ktah joor i ya ki paidbah.

Da pyntip u wa ka GRIL hadien wa dep tih ko wow pynheh sarok da ieh hi-eh-ko kamni la 3-4 bnai hadooh wa ktah joor ko ym du ya ki kari kamjooh leh ya ki paidbah khamtam ya ki khynnah wa lai skur wa heipor wa joor u slap u sarok man u uwa ktieh bha wei heipor wa rang won joor i laphooh iwa booh yei ma ya kiwa lai kjat.

Da ong u leh wa hapyrdi sarok toh du ki thlu wa yillu wei ini da wanrah i ya iwa boon bha i kylla ki kari khamtam ki kari heh.

Kamtæ da kyrpaad ya u DC ka East Jaiñtia Hills wow chimkhia u ya ini i chem chitom ki paidbah neibynta i bha i miat ka mynried waroh hiwot kawi.

Ha kini ka tayaw wa da dep leh da em ki kari khian wa chah ban ha ki truck kiwa da kylla manda poi ki hei bynta wa em ki thlu wa heh ha pyrdi sarok.

Advertisement ad1

0 Comments

Leave a Reply