Nan Thadlaskeiñ da bna kylleiñ,
Ha kini ki sngi ka pateiñ.
Ya pha da tih da u warim nachwa,
Ha i thaw i wa em ha chnong Mukhla.
Sajar Nangli, Sajar Nangli,
Teiñ la pateiñ sah i naam mi.
Da tih mi ya ka wa heh i par,
Hadien tæ yut mi cha ri dkhar (Burma).
Nan Thadladkeiñ wa kyntang tam,
Wa da bna i naam na i ktien i klam.
La chi pateiñ da mane ki ya pha,
Da u Dolloi Nongbah wa ki khon ka Raij Mukhla.
Waroh da tip ya pha toh ka nan wa kyntang,
Ha i por lehniam toh du ki chynrang.
Kynthai na jngai bha u yieñ pait ke ki,
Yei lehniam ki khon ka Raij ya ka nan u Sajar Nangli.
Hapoh yong pha em ka Blai Tymmen,
I pyrtuid i naam yong ka toh ka Syiem Synhen.
Waroh waroh i burom ya mane i ya pha,
Wa kær wa da pho ya ki khon ki rayot ka Raij Mukhla.
Discussion about this post