Nang joor i chah ktah ka wah Myntdu, kyntu ka JFEPA ya ka JHADC wow chimkhia

Neidaw wa joor ware i chah lehbein̈ ka wah Myntdu, neiliang ka Jaiñtia Fishing & Environment Protection Association (JFEPA) ynnin ka sngi da lai hiar ko cha Treiongriang wa cha Mulieh ha Jowai kawa man ka thaw wa chna sarok da ka Dhar Construction Company heiwa da chem wa ha kani ka bynta da kset lut ki um ki liar wym lait de ka um kawa wan nanein̈ wei khamtam ka Mulieh leh da sih bha ko heiwa ym em de man ko kam nachwa.

Da chem leh wa i khyndaw wa da booh pynlang (Stock) dang em bait i ha rood kani ka wah iwa da booh hei maa ya ki dakha kiwa im wa ha kani ka wah wym yoh thaw de ki u khih kam nachwa.

Related posts

Duna 5 kynta neh ka dorbar ka JHADC | Yaroh u MB Rymbai

March 19, 2026

Ym em yoh myntoi ka JHADC nei pynlai Gas Pipeline: Daeimi Liam

March 19, 2026

Chooh chooh da chem leh ini i tih moo tih chyiap ha rood ka wah dang lai bait hi i, wei i maa wa mih neini toh i wym ye de wow kheiñ wei ini toh najrong wa dadep pynkrehkaam ya ka Section 144 CRPC/163 BNSS wa da pynmih ka yung krehkaam u DC.

Kamtæ ka Association dap ko dei sñiawsih wei sñiaw diaw hajrong ini wei da kyrpaad ko ya u Deputy Commissioner kamjooh leh ya ka JHADC kawa toh u pait u yoo ya kani ka wah wow chimkhia ko wym hoi de u e laad u tih chyiap harood kani ka wah wa yoomaa wa ktah ko ya ka wah Myntdu.