U President ka Meghalaya Pradesh Congress Committee (MPCC), u Vincent H Pala da ong u wa ki paidbah kyruiñ khmat ki cha ka Congress wa cha ka Voice of the People Party (VPP) yow pait kiwon kiwa rap ye wow sai kyrtong kiwa biang ha kani ka Election MDC wa daw man ha u bnai wow wan.
Da ong u wa ha kani ka Election da emkaam lang ya u kyrtong uwa em maiñ wa i naam wa bha najrong wa kreh chitom ka seiñ wei da ong u leh wa kiwa boon ki bru da ong ki wa i sai ya u kyrtong uwa biang uwa kyrchaan ki paidbah toh iwa emkaam.
Da ong u wa ha kani ka kynti ka Congress daw lehbha ko ha ka Election MDC ha KHADC wei da yooluti u leh kamjooh wow lehbha ha JHADC.
Hawa kylli, u Vincent da ong u wa hei lait luti yong oo ha kani ka Election da yoo u wa ki paidbah da kot da kdang ki ya kani ka sorkar kawa katni neibhah wa joor i dooh i duk wei kani ka sorkar wa katni pyrkhat ko du ya ki bru yong ka hi iwa da pynman ya ki paidbah wow pait wow thooh da kiwi ki laad.
Da ong u wa lada ka Congress ye ko wow sai ki kyrtong kiwa biang daw ye ko wow lehbha ha kani ka Election.
Discussion about this post