Ka Directorate of Revenue Intelligence (DRI), Mumbai da yoh ko wow kem yei Cocaine wa chongdor Rs. 11 klur napoh uwi u bru uwa na ri Sierra Leone uwa da ngooid ya 74 tylli kini ki kuli wa da song bha.
Ka DRI deiwa tip wa daw em wa wan cha India dei thmu wow khayi drugs, da kem ko ya uwi u bru ha Chhatrapati Shivaji Maharaj International Airport, Mumbai haka 28 tarik u bnai wa dep heipor wa dang thmu u wow psiah chapoh India.
Hawa takit ya uni u bru da phla u wa da ngooid u ya ini i drugs chapoh kpoh u yow dai won ki ha India.
Ya uni u bru da rah hakhmat u Magistrate wei da pynmih hukum yow li booh oo cha JJ Hospital Mumbai yow leh ki yeiwa emkaam yow pynmih noh ya ini wa da dep ngooid uni u bru heiwa da chem 74 tylli ki yusong hei dur ki kuli wa em Cocaine hapoh kiwa da chongdor Rs. 11 klur wei ya kini da ye u pynmih na uni u bru haka 30 tarik u bnai wa dep.
Ini i Cocaine toh iwa khia 1108 grams iwa da mih napoh uni u bru.
Ya uni u bru da pynngat hapoh ka aiñ NDPC Act, 1985.
Discussion about this post