Jowai: Katkam wa pyntip ki pulit, ynne ka sngi heipor 12 waje pyrdi sngi da sai yei metyap yong u Shanku Dutto uwa na chnnong Borkhola Ujanagar, Assam.
Ya ini i metyap da chem na iwi i paar mooyong iwa ym em de pynemkaam hadien wa uwa chah pynbaad wa emkti wow tynyap u Md Imran Hussein da yah u ya ki pulit cha ini i thaw ha ka 26 tarik uni u bnai wei da chimpor hadooh soo sngi wow taan ya ka um wa em hapoh ka paar mooyong ha Wahmana, EJH.
Ya i metyap u Shanku Dutto da wan pyntikna da ka kurim yong oo, ka Monika Dutto.
Hadien wa sai yei metyap da phah cha Khliehriat CHC wow leh ya ka Postmortem yow tip yei daw wa yap wei ya uwa suba da pynngat ya oo hapoh ka kyndon 352/365/342 ka IPC da ki pulit ka Khliehriat PS.
Discussion about this post