U Prime Minister Narendra Modi ynne da chim u ya ka smai kawa tip kam ka Oath of Secrecy wei da pdiang sñiawbha u leh ya waroh ki MP wa dang dep chah jied thymme ha kani ka sngi nyngkong ka dorbar yong kani ka ka Lok Sabha kawa 18.
Ha kani ka sngi da pynsmai leh ya u Bhartruhari Mahtab kam u Pro-tem Speaker ka Lok Sabha.
Ha kani ka sorkar wa katni, ka NDA da em ko 293 ngut ki MP kiwa kynthup ya 240 ngut ki yong ka BJP kawa da emkaam 272 ngut yow chna sorkar samen khlem da krehlang wa kiwi.
Ka liang pyrchah kawa tip kam ka INDIA Bloc won da em ko 234 ngut ki MP.
U Modi da wan biang u kam u PM ha ka sien wa le heiwa ki Montri yong oo da dep ki wow chim smai ha ka 9 tarik uni u bnai.
Ki MP wa chim smai ynne da chah leh ya ki wow pynemkaam ki da i ktien tynre ki.
Heipor wa chim smai u Union Education Minister, u Dharmendra Pradhan kam u MP, neiliang ka liang pyrchah da kbai ki ‘NEET NEET’ kam ka dak wow pynyoo yei pyrchah yei rukom man heiyatoh wa i chah pynbaad boon jait hawa pynman ya kani ka Exam.
Ki MP ka liang pyrchah da pynman ki ya ka yalang ha pchem ka Parliament yow pynman yakhih yow pynyoo yei pyrchah ki yei rukom jied ya u Pro-Tem Speaker u Bhartruhari Mahtab deiwa ong wa ka BJP da kwah ko wow tyngkheiñ wot ya ka Constitution ka ri.
Kini ki MP da rah lang ki leh waka Constitution ha kti yong ki.
Discussion about this post