Ki khynnah skur ka thaaiñ Namdong da pynsñiaw ki yei eh wa hap maad ki neidaw wa syad palat ka bai kari na Namdong cha Jowai iwa da pyn chem chitom ya ki bei ki pa yong ki wow pyndap pynbiang ya ki khon wa lai puræ khamtam kitu kiwa mylla sngi, ki wakreh Job Card kiwa em 4-5 ngut ki khon wa hap psa.
Kiwa lai puræ cha Jowai hap ki wow mih na chnong du ar sien chi tayaw yow lai Class wei u chim dei yung wai leh ym sñiaw yahap neibhah wa sah du 8 sngi chi bnai wei da beh bait bait na chnong neidaw wa hap leh wow yarap kaam ha yung.
Kamtæ da kyrpaad yaka Ksehrynshang Namdong Tourist Driver & Owner Association wow pyrkhat lang ya kiwa dooh wa duk kiwa kreh dei sngi yow baam dei miet, ym toh wow chim kabu du wow myntoi yong samen.
Ka bai kari na Namdong cha Jowai ha chwa ka Lockdown man ko T. 80 i lai wa T. 80 i wan, katwa heipor ka Lockdown da ku cha T. 150 iwa da poi T. 300 i lai i wan heiwa katni leh da i dor thymme neh hi ko T. 300 hi i lai i wan kam i por Lockdown hanla ka sorkar da chah ko wow kit bru kamwa jooh hi.
Ini da ktah ko ym du ya ki khynnah wa dang lai puræ, da ktah ko leh yaki paidbah khamtam kiwa kjut wa chitom.
Kamtæ neiliang kiwa lai puræ da kyrpaad ki na ki bor wa haneiñ wow sñiawbha ki wow pait lang ya kiwa dooh wa duk.
