Jowai : Ka Wah Myntdu ha waroh chi lynter bynta yong ka soo dong ka Jowai ym ye de u kam wa toh dang man ko ka wa khooid, boi ye u ong da poi chadooh u pood wa ym hoi de u dih wow chet ya ka. Khamtam ki bynta ka Wah Myntdu nadooh ka yingkieñ thymme hadoooh ha Lynter iwa man i thaw wa ka-it bha ki paidbah u lai bamdooh khamtam ha kini ki por jan kut snem.
Kamtæ nei liang u WYRTA da yoh u wow chon ki dur wa dap da ki jhep wa kynthup ya ki pliang ja kot, khuri plastik, ki klong plastik, ki klong beer, klong kyiad wa da pyndap pynchlai ya i rood um kamjooh soo dong kani ka wah kiwa em ha kini ki sngi wa dep.
Ynne ka sngi em 12 ngut ki chi lok ki wa wan baamdoh ha ini i bynta deiwa wym jooh yoh u yoo da rah lang ki wa ki churia wei da pynkhooid ki ya ini i bynta katwa joh i bor wa khian yong ki.
Da pyllang chi thaw ya ki klong kyiad, katwa ya ki wa ye u thang da thang ya ki wei da kit leh ya ki wa ym hoi de u thang yow li noh cha i thaw noh jhep.
Hei yoh u yaklam wa kini ki 12 ngut da ong ki wa ki ymtoh na kawon kawon ka seiñ da leh ki yeini hadien wa da yoo ki wa da tngit ware ini i bynta ka wah da man i chawa palat. Dei mynsien wa sniaw khia kam kiwa jooh wan baamdoh heini nei por chei por sniaw ki wa em itæ i kaamram wow bahkhlieh heiwa uwi pa uwi kiwa wan leh wyrngia cheini i thaw em ki, neibhah lada ym em wa pynkhooid yeini i thaw daw man i kam i thaw noh jhep daw man ko kam ka Wahumkhrah heiwa daw dooh i wow lehsniawbha ha ini i bynta.
Discussion about this post