Hadien wa da khang yei lai i wan ki kari hapoh East Jaiñtia Hills, ynne ka sngi heipor wa sylli ki pulit da chem ki wa boon ki kari samen (Private) da chim kabu ki yeini deiwa kamai wei wow kit bru.
Yeini da leh khlem bood ya ki kyndon Social Distancing wei da tynkheiñ leh ya ka hukum ka sorkar.
Da em leh ki bru wa chim kabu yeini i khang deiwa lai neiwi chnong cheiwi tawon.
Kamtæ katkam ki kyndon ka Section 144 Cr.PC, u District Magistrate, East Jaiñtia Hills District chirup wa ki kyndon ka The Meghalaya Epidemic Disease, COVID- 19 Regulation 2020 da khang ya waroh i lai i wan ki kari samen.
Kani ka hukum ym krehkaam ko ha ka District neibynta ki kaam sumaar bru (Medical Attendance), thied mar-baam wa kiwi ki mar hapoh ka Essential Commodities.
Ym khang leh ya kiwa lai pyndep ya ka niam yap (Funeral Ceremony).
Kini ki kari samen ye ki u kit ar ngut ki bru lait na uwa yah (2 Passengers + 1 driver).
Kani ka hukum da krehkaam ko nadooh 10:00 i miet ka 23 tarik uni u bnai hadooh 31 Wisu 2020.
Discussion about this post