Ka KSU Narpuh Circle ha ka kyrwoh wa da phah da ong ko wa i dooh bordiñ ka thaaiñ Narpuh da man ko cha wa palat kamwa da leh tput ka MeECL hanla ka sorkar da dep ko wow pynbna wa da pyndam ya ka Load Shedding hapoh ka jylla.
Ka seiñ da ong ko wa hanla ym em u slap lane ka la-ær leh, i pyndooh bordiñ toh man-ka-sngi katwa ka bai bordiñ won poi ko thij-thij man-u-bnai.
Hajrong ini da e nongmuna yei ktah ini i dooh bordiñ heiwa ha ka 19 tarik uni u bnai da iñ iwi i yung ha Ratacherra neidaw wym yoh bordiñ wei ki khynnah ha katai ka yung da hap ki wow thang dei mombati yow khreh kot.
Neidaw wa ki khynnah mylliñ ki wow tympleh yei mombati heipor wa mih laike ki cha ki jan yung neidaw wym em ki bei ki pa, i diñ da poor wei da baam lut i plak ya ka yung.
