Uwi u bru wa 21 snem i rta wa pyndur toh u sahep chipai Brigadier ka Indian Army, da chah kem noh u ha Shaheed Museum, Shahjahanpur Cantonment ka jylla Uttar Pradesh ha ka 12 tarik uni u bnai.
Ya uni u bru da tip kam u Aryan Verma wei da uiñ u ha Shahjahanpur wa ki District wa marjan deiwa sap ya ki sula chipai wow kam toh u sahep chipai.
Katkam ka yutip wa da yoh da ong wa ka Indian Army da booddien ko ya u Verma nadooh u April neiwa sap u da ki sula Brigadier wei da ieñ ki oo ha ki thaw wa kyrpang.
Wow ieñ ya oo, ki heh Army da pyndur ki kam ki bru paidbah heiwa da yaklam ki wa oo wow khut u wan klam e mynsien u ha ka yalang ki khynroo wa yakhun kreh chipai ha Shaheed Museum ka Cantonment.
U Verma da poi u hei step deiwa riam kam u Brigadier wei da chong u ha ka SUV (Harrier) wa em u khloor chipai, lama chipai wa kiwi ki tiar.
Mar poi u ki chipai ka Indian Army da ksoh ki oo wei da chem ki ya ki kot ki sla thok.
Ya u Aryan Verma da synraan da ki 2 ngut ki Bouncer kiwa ong u toh ki chipai Commando ka National Security Guard (NSG) wei da synraan ya oo wow yada ya oo neibhah wa man u u heh chipai.
Chooh chooh da chem leh ya ka Identity Card wa kam u toh u Dean ka Armed Forces Medical College ya kawa da chna thok, u dieñchdooh chipai wa ka Pistol kyndeh.
Ki chipai na Army Intelligence na Bareilly da chimkti ki wow takit wei da kem ki ya u Verma.
Chooh chooh da takit leh kammon yoh u ya kini ki sula, ki kot wei lada em kiwi kiwa emkti wa oo.
U Superintendent of Police, u Saurabh Dixit da ong u wa ki bor ka Army dang takit ki ya u Verma heiwa da sah u ha Delhi wow pynkhreh ya ka National Eligibility-cum-Entrance Test (NEET), kawa da Fail u boonsien.
Discussion about this post