U Chief Executive Member (CEM) ka Khasi Hills Autonomous District Council (KHADC), u Shemborlang Rynjah da pynche u yei chah pyndam kreh kiwa kreh ka KHADC wa toh neidaw wa khlem Sanction ya kini ki kreh.
Ini i pynche na u CEM da mih ko hadien wa 27 ngut kiwa kreh da chah pyndooh kreh ki wei da yachem ki leh wa oo tangwa da kyntait u wow thung kreh biang ya ki.
Katkam wa khana u CEM da em hadooh 13 ngut kiwa da chah pyndooh kreh kiwa man kam kiwa kreh Contractual wei ya kini ym e kreh de katwa ya ki 30 ngut kiwa da yoh kreh Permanent; ya kini da e kreh biang ya ki kam kiwa kreh Contractual lada kwah ki.
Hawa kylli wa ka Service Rule yong ka Council chah ko wow pynhaap ya kiwa kreh Permanent cha ka kaam Contractual, u CEM da ong u wa lada yaklam ya ka Service Rule da jngai palat, deiwa pynrap wa ka EC daw thung ko ya ka Committee ka wow pait bniah biang ya ka ka Service Rule yong ka Council.
U CEM da ong u leh wa hadien wa ka VPP da chimkti ko ya ka Executive Committee, kam u CEM da chna ya ka Committee yow pynbait yei rukom thung kreh wei ha katæ ka yalang da mih ka mat wa yatoh wa i thung kaam ya ki 43 ngut, 13 ngut kiwa thymme (Contractual) wa 30 ngut wa da Regularise da ka EC warim neibhah wa da leh khlem da Sanction.
Da khana u wa ya ki 13 ngut wa thung thymme da pynsangeh noh, katwa ya ki 30 ngut da wanrah biang cha ka kaam Contractual.
Hawa yatoh wa i su ya kiwa kreh Contractual, da khana u wa da su da ka 5% na ka poisa wa da yoh na ka 15th Finance Commission yow pynkreh ya ki Scheme.
Discussion about this post