Nei phah sangeh u Home Guard ya ka kari em yit rong yong, khyrrup ki pulit 437 gram u Heroin

Shillong: Ynne i step hei por kamwa 7:00 waje ha Mawblei da em kawi ka kari Bolero wa em number MN-02B-1921 da chah pynsangeh ko ha uwi u Home Guard wa tip kam u R. Kharlor neidaw wa em ko ki yit rong yong kawa yah kari khlem akor tangwa kani ka kari da yut ko, kamtæ uni u Home Guard da psiah u hapoh  ka kari kamai wei da kdong u ka kani ka Bolero kawa da sangeh ha kawi ka Petrol Pump wa em ha Mawblei heiwa da mih 3 ngut ki bru napoh kani ka kari.

U Home Guard da yoh u wow kem ya uwi u bru wa rah yaka Suitcase dei yarap ki paidbah wa em ha ini i thaw katwa arngut won uwi u chynrang wa kawi ka kynthai da yoh ki u yut na ini i thaw.

Hadien wa poi ki pulit ka Anti-Narcotics Task Force (ANTF) da wai ki ya kani ka Suitcase wei da chem ya 38 tylli ki synduk booh sabon heiwa hapoh da em u Drug Heroin, waroh wa khia i 437.14 Gram.

Uwa chah kem da pyntip wa ya ini i drugs toh kiwa wanrah na Moreh, Manipur i chnong wa em khappood wa ka ri Myanmar wei da suba wa ini i drugs toh iwa thmu wow dai ha Shillong.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Na uwa chah kem da tip pyrtuid kam u Seikholen Haokip da chem leh ya 3 tylli ki ID Card ka poisa US 1 Dollar kawi ka mobile waka poisa T. 150.

U kari toh kawa hei pyrtuid u Ksh Ibungo Meitei na Churachandpur district.