Uwi u bru wa tip kam u Raj Kumar uwa man kam uwa dro dur uwa da dooh noh ya waroh ar tylli ki kti u hadien wa chah tyrrah haka rel, daw ye biang u wow pynemkaam yei sap u hadien wa ye ki Doctor ha Delhi wow pyndait da ki kti yong kawi ka bru kawa da yap i jabieñ (Brain Dead) kawa de sñiawbha ya ki kti yong ka.
Kani ka bru toh kawa tip kam ka Meena Mehta kawa dadep kular wa lada yap ko wow e sñiawbha ya u Kidney, Liver wa ki pyllung khmat ko wei da dep ko wow yarap ya la e ngut ki bru chwa ini.
Uni u bru wa dang dep yoh myntoi toh uwa 45 snem wei da man i sien wa nyngong wa ye u leh yeini i rukom sumaar ha Delhi ha Sir Ganga Ram Hospital.
Uni u bru toh uwa da dooh ya ki kti u ha u snem 2020 heipor wa liwan u cha yung da ka Bicycle kawa da sahkut hakhap ki luti rel wei da wan ka rel kawa tyrrah oo heipor wa dang taan u ka ka Bicycle u. Da man u leh uwa dooh wa duk tangwa deiwa kular ka Meena Metha kawa man kam ka Vice-Principal kawa da chong ngiah wei deiwa yarap kiwa ha-yung ha-sem ko da yoh laad u sa chisien wow pynemkaam yei kti u.
Ki Doctor haka u bnai nyngkong uni u snem da pyndait ki ya kini ki kti ha uni bru deiwa chimpor palat 12 kynta neibhah hap wow pynyabi ya uwi pa uti u thied, i ksah wa ki thied snaam najrong kiwi kiwi de.
Ki dur wa pynmih da ka Hospital da pynyoo wa ini wa leh ki man i iwa jop wei da yabi kini ki kti wa thymme kamwa da mang da thmu wei da yoh u leh wow mih napoh Hospital hadien 6 tayaaw wa pait yei long i man u.
Ki Doctor da pyntip ki wa uni u bru hap u wow dih ya ki dawai Immunosuppressants waroh chi rta yow lait u na iwon iwon i chitom.
Discussion about this post