Kiwa chong chnong ka Nirala wa em ha Adilabad District ka Telangana da khyrngiat ki wow yoo ha kani ka tayaaw yei em u masi wa da ku cha tnoom yung neidaw wa tieñ ya kiwa boon ki ksaw wa khlem tre.
Katkam wa khana kiwa yoo yeini wa jia, da ong wa kini ki ksaw wa em kattu katni da wan ki ha ini i yung wa em uni u masi wei neidaw wa tieñ u ki da ku u cha tnoom yung lyngba ki moo wa em ha rood ka yung yow lait u chah dait ha kini ki ksaw.
Ki bru deiwa yoo phylla da wan ki wow yalang ha kani ka thaw deiwa khuslai leh ya haap uni u masi deiwa tler u na jrong yung.
Uni u masi toh uwa mantre da uwi u warep wa tip kam u Sheikh Gafoor heiwa da kdoh u oo hakhmat yung u kamwa jooh leh u tangwa neidaw wa joor tieñ ya kini ki ksaw da yut u hadooh wa tkut wa u tylle wa kdoh oo yow ku cha tnoom yung.
Ya uni u masi da ye wow pynhiar oo deiwa phon wei taan oo da u tylle khlem da chah ktah joor uni i yung iwa da chimpor u leh da ki kynta.
Sa iwi iwa sariem kam ini da jia i ha Ajmer District ka Rajasthan heiwa uwi u masi da ku ya u rana kawi ka Top um wa jrong 60 phut heiwa ya uni u masi da ye wow pynhiar deiwa pynemkaam da ka Crane.
Discussion about this post