Nei wym su u Syiem ka Hima Mylliem ya ka bhah ka KHADC poi chei chah Suspend

Ka Khasi Hills Autonomous District Council (KHADC) wa synchaar da ka Voice of the People Party (VPP), da Suspend ko ya u Syiem wa pura ka Hima Mylliem, u Pa’iem Ainam Manik Syiem neidaw wym su u ya ka dan ka Hima wa yoh nei khrong dan heiwa ka bhah ka Council man ko 1/8 kawa kattu da neh khlem su kamwa 7 snem kawa dapoi palat Rs. 3000 klur najrong ka bhah dan wa 10% na ki yaaw ki haat wa da lum da ka Hima ha ki le snem wa da lai.

Ka bhah ka dan wa 10% na ki yaaw ki haat wa ka bhah wa 1/8 toh ka bhah wa ka KHADC jooh lum ko na ki Hima/Elaka kiwa em hapoh u pood u ang ka Ri-loom Khasi.

Katkam wa da ong ka Council, u Ainam Manik Syiem ym em ye u wow su ya ka bhah wa 10% wa da lum na ki yaaw, kawa man neibynta u snem mang tangka 2022-23, 2023-24 wa 2024-25 kawa man katkam ka kyndon 11 (5) ka Khasi Hills (Establishment, Management and Control of Markets) Regulation Act, 1979.

Related posts

Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

November 1, 2026

Phooh phieñ i pynkut lehkmen dap 100 snem ka St. Mary Mazzarello Girls HS School Jowai

November 1, 2026

Da ong wa i Suspend ya oo man ko leh hajrong ka yurim wa u Syiem ym ye u wow su ya ka bhah 1/8 na ki dan wa lum da ka Hima kawa dapoi hadooh Rs. 3,24,85,020,625 yong u snem mang tangka 2018-19, 2019-20, 2020-21, 2021-22, 2022-23, 2023-24 wa 2024-25 katkam ka kyndon 9 yong ka Sanad.

Ka KHADC u e laad ko leh u yasaaid u hakhmat u Inquiry Officer.