Jowai: Kiwa chong chnong ka chnong ka Khahnar, Pala wa Mooknor kiwa haap hapoh ka Saipung-Sutnga Constituency, East Jaiñtia Hills District wa yooluti kiwa boon ki paidbah ka Saipung Community & Rural Development ynnin ka sngi da mih paidbah ki wow chna ya u sarok wow pynyabi ya kini ki chnong.
Ki paidbah da pynsñiaw ki yei chrai neibhah wachah iehbeiñ ware ki wei da maham ki leh wow dam u yachim bynta wow jied ya uwa mihkhmat ha kani ka Election MLA 2018, hadien wa dep ki u chna pynmiat ya uni u sarok.
Da ong ki wa i wym chimkhia ka sorkar wow chna pynmiat ya i sarok kamjooh leh wow wanrah ya i roi i paar da wanrah i chiboon i eh i khoo ya ki paidbah kiwa lai wa wan na uni u sarok.
Uwi na kiwa waheh na ka chnong Khahnar, u Matheus Dkhar da ong u wa ini i chah iehbeiñ uni u sarok kattu da palat 38 snem toh neh ko kamjooh hanlada kiwa pyllai chnong da lai yachem ki ya ki heh ki haiñ dei langer tangwa ini waroh man i iwa sepai wei da chah pynbor noh ki wow chna ya uni u sarok pyn daki hi.
Discussion about this post