Ka Border Security Force (BSF) da pyntip ko wa da pynyinsur yei por wa khut yalehkreh ko iwa da lai chakhmat neibynta ka Constable (General Duty) Recruitment Rally.
Neidaw wa boon ware kiwa yaleh kreh khlem dapoi pyrkhat, kamtæ ka BSF da rai ko wow e por hadooh ka 18 tarik uni u bnai yow e laad ya waroh wow pyndep ki yei thap kreh.
Ki BSF da pyntip ki hadooh kattæ da em palat 10,000 ngut kiwa da thap kreh wei da em kiwa wan na ki chnong wa jngai bha iwa pynyoo yei mynsien maya ri ki wei kamjooh wow kreh neibynta u yada ya ka ri, hajrong ini da ong wa waroh toh u yoh laad ki wow yaleh yeini i kreh.
Yeini i yaleh kreh da pynman hei pyrtuid ka Meghalaya Frontier Headquarters, Shillong wei ya ka Recruitment Rally da pynman ha ar tylli ki thaw, kitæ ha BSF Campus, 200 Bn Dhanakgiri, Tura SHQ wa ha BSF Mawpat Campus, Shillong.
Da pyntip leh wa kiwa yalehkreh dang boon ki kat dang lai ki sngi iwa man da 70 la 30 ki chynrang wa ki kynthai.
Kam wow pynkynmoo wa ka BSF da pynbna ko ya ka Open Recruitment Rally neibynta 300 tylli ki kreh Constable (General Duty) kiwa man kyrpang ya ki ST ka Meghalaya heiwa i yalehkreh dadep kut i ha ka 12 tarik wei da ini i pynbna daw pteiñ hadooh ka 18 tarik.
Discussion about this post