Jowai: Ki chipai ka Indian Navy dang pteiñ ki wow pynemkaam ya ka kor ROV yow thooh ya ki wa tih mooyong kiwa chah kset ha krem mooyong wa em ha Ksan khlem chong ngiah hadien wa chem ya i metyap wa le wa i metyap wa soo ha kini ar sngi wa da dep.
Kini ki metyap wa dang chem thymme toh kiwa da pyut da tlor wei ym toh kiwa pær kiwa neh ha khyndaw iwa da man iwa chitom ya ka kor ROV wow sai ki. Wei heipor wa pyrchang u taan ki da tkut i bynta wa ksoh ki kti ka kor ROV wei da antaad da khia ki hadooh 8-15 Kg iwa pynman yei sai ya ki metyap wa chitom bha.
Ha i taan um won ka CIL da pynemkaam ko ya ki Pump ko 36 kynta nadooh ynnin ka sngi hadooh 5 waje i janmiet ynne ka sngi wei da sai um 4860000 liter.
Ka KSB da taan um ko 32 kynta nadooh ynnin ka sngi hadooh 5 waje i janmiet ynne ka sngi wei da sai 6336000 liter ka um.
Ka Kirloskar won da taan um ko du na ka wi ka Pump neidaw wa ka wi ka Pump sih ko da kattu katni sngi wei da sai um 2880000 liter.
Discussion about this post