Jowai: U Working President ka United Democratic Party (UDP) u Paul Lyngdoh ynne ka sngi da ong u wa da em kiwa thmu wow pynbaad ya oo wa ya ka Party wa emkti ki ha i chah tympiah tympra ka kari u General Secretary ka Khasi Students’ Union (KSU), u Donald V Thabah.
Hawa yaklam wa kiwa thoh khubor u Paul da ong u wa ha ka miet wa jia ini da em leh ar tylli ki kaam wa leh da ki damok.
U Working President ka UDP da pyntip u sa ka wi ka kari ha Lumkshaid leh da chah ktah ko wei da em i pyrchang tooh ha Pdenshong kiwa waroh ar em ki hapoh ka dong Mawprem.
“Kini toh ki kaam pyrchah aiñ wei ym em yatoh ki waka Election MDC.” Da ong chooh chooh u Paul Lyngdoh.
Kam wow pynkynmoo wa u Paul Lyngdoh leh jooh u man kam u President warim ka KSU uwa ha kani ka Election MDC u yaleh u pyrchah ya u General Secretary warim ka KSU, u Auguster Jyrwa uwa man u kyrtong ka Congress.
U Paul Lyngdoh da pynbaad u leh wa ini i toh iwa da pyn poor da ka Congress wa da sñiawthooh ki wa daw rem ki ha kani ka Election.
Heijooh i por da ong u wa ini waroh leh toh neidaw wa joor i kyrni i dih Drugs ha dong Mawprem.
Discussion about this post