Neidaw wa suba tooh poisa, chah kdoh chah dat chah bom uwi u khynnah ha SWKH

Jowai: Uwi u khynnah uwa dang khian da yoh wow pyllait ya oo ynnin ka sngi na ka chnong Nongdiloin, South West Khasi Hills District.

Uni u khynnah toh uwa chare masi nadooh wa dang em u 7 snem wei da chah pynbaad u ha u tre yong oo wa tooh poisa u.

Nadooh ka 17 tarik uni u bnai da kdoh ya oo ha uwi u dieñ wei da chah dat chah bom u wei da pyllait ya oo du heipor wa e baam ya oo. Heimiet won da kdoh ya oo ha u Grill ka khian dwar i yung.

Da dat da bom ya oo na kjat, na kti wei da siam leh ya i chkor u da u naar wei da dung ya oo leh da ki pin.

Neiliang ka seiñ CSWO, HYC wa ki pulit da lai pynlait ki ya uni u khynnah wei da yah ya oo cha CHC Mawkyrwat wei hadien da rah cha Civil Hospital. Da e FIR leh pyrchah ya u Khresland Lyngkhoi wei da kem leh ya oo.