15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pdiang ka MPCC yeiwa mih noh u DD Lapang naka party

0 Comments

Jowai: Ka Meghalaya Pradesh Congress Committee (MPCC) da pynsñiaw ko wa ymye ko wow ksoh ya u Dr. DD Lapang hawa kwah u wow mih noh na ka party, da ong u President ka MPCC, u Dr. Celestine Lyngdoh heiwa da pynrap u deiwa ong wa ka AICC da pdiang ko yei ieh u Dr. Lapang ya ka MPCC.

Da ong u wa ka party ym kwah ko wow klam hajrong ini, tangwa sñiaw ko wa emkaam wow pynche yeiwa chah pynbaad pyrchah ka party.

“I klam u President ka AICC, u Rahul Gandhi ymtoh wow kyntait ya kiwa yahkhmat wa rangbah næ kiwa da noh rta, tangwa wow elaad ya kiwa yahkhmat wa dang khynroo ha ka party,” da ong u.

U Dr. Lyngdoh da ong u wa u Dr Lapang da e daw wei da pynbaad u leh ya ka Ambika Soni leh ka party da kheiñstiñ ko wei ini ymtoh iwa sakhiat neibhah hadooh katni ka Soni man ko ka Secretary ka AICC wa pait ya ka jylla Jammu & Kashmir wei man dkhot ko leh ha ka Congress Working Committee (CWC) ka AICC.

“Katni ka party ym em ko heibor ha kani ka jylla, wei wow kylli wa ymye ko wow e ya ka kyrdan wa biang ya kiwa yahkhmat ym man ko kawa yahaap, boi na ini i daw wa u Dr. Lapang da mih noh u na ka party,” da ong, deiwa pynrap wa heipor wa u Dr. Lapang chah pynrem noh u kam u MLA ha u snem 1993, ka party da thung ko ya oo kam u Chairman ka State Planning Board.

U Dr. Lyngdoh da ong u leh wa ka party hadooh katni dang burom ko ya u Dr. Lapang wa ki kaam wa da leh u neibynta ka jylla, wei kitbok ko leh ya uni uwa yahkhmat wa da rim uwa da mih noh na ka party.

“Dang burom i kamjooh hi ya u Dr. Lapang hadooh katni, i kiwa na Bhoi khut maya i ya oo kam u Pa ka Ri-Bhoi neibhah da yoh ya ka district hapoh i yahkhmat yong oo,” da ong u heh ka MPCC.

Da pynche leh wa i dam u Dr. Lapang kamu President ka MPCC hadien wa ka party yoo ko wym khlan de u wei i pynbaad wa ka AICC da phah ko ya oo wow dam u yakhun MLA ha uni u snem da man i iwa bakla.

“Ha ki bnai chwa ka election waroh tip i wa u Lapang ym em de miat chait u, haap pyrkhat i kammon wow pynkhreh ya ka Election hawa u president psiah psiah mih mih u na hospital, tangwa sñiaw burom i wa wot hapyrdi i doh u pran i wym khlan da ye u wow pynjop ya u kyrtong ka party na Nongpoh,” da pynrap u.

Hajrong i ong u Lapang wa u Rahul Gandhi ym em u ki sap wow chimkti kam u Montri Rangbahdooh ka ri, neiliang u heh ka MPCC da ong u wa ym emkaam wow e certificate uwon uwon leh tangwa ki paidbah daw e ki ya ka rai ha u snem 2019.

Previous
Next

0 Comments

Leave a Reply