theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Neidaw wa ya paan dor hawa thied kiad chah dat arngut ha Jatalong

Advertisement ad1

Ha i miet ka 1 tarik da mih i kulmar hadien wa em arngut kiwa da chah dat ha Jatalong, Ri-Bhoi District iwa man i thaw wa em khappood waka Assam.

Ka Jatalong man ko leh kam ka thaw wa ya kajia pood ka Assam-Meghalaya kawa daw pynbait ha i bynta wa ar namo ka Second Phase i pynbait pood.

Kiwa chah dat toh u Sildron Mukhim wa u Barnabas Lyngdoh wei ini da jia ha i thaw wa tip kam i Mitali heiwa da ong kiwa dat ya kini toh ki Nepali.

Katkam wa pyntip ki bor District ini da jia i heipor kamwa 7:00 waje i miet hawa ki le ngut da lai thied kiad ki wei da ya paan dor heiwa da mih i wym ya sñiawthooh ha ini i ya paan dor kamtæ da mih i kulmar wei ki pulit leh da lai thooh ki ya kini ki bru wei da dep ki wow Register Case. Da ong leh wa em i chongsuk chongsaaiñ ha kini ki thaw wei ini wa jia toh iwa khian bha wei daw khang noh ya kini ki dukan dai kiad wei da kyrpaad ya ki paidbah wym toh wow pynheh ya ini wa jia.

Tangwa ha ini wa jia da mih boon ki paidbah na waroh arliang hadooh wa da mih i ya kynaad wa ki Nepali wa chong chnong ha kani ka thaw wei da ye wow pyn jai-jai deiwa wan ki pulit na Assam wa Meghalaya.

Kiwa chah dat won da ong ki wa da dat kini ki bru ya ki khlem daw hanla da yaklam chwa deiwa jai-jai wei da em na kini kiwa sñiawthooh kiwa da pynyakhlad wei da yoh ki wow yut na ini i thaw wa jia, tangwa hadien ini da sdang ya Phone lok kamtæ da joor ka ya kynaad ya awari hapyrdi ki arliang.

Share this:
Previous

Da wai ya ka Smart Check Gate wa nyngkong ka Meghalaya

Next

Jop suk ka Shangpung, ka Mawsiang waka Iooksi Youth haka 3rd Division ka WJDSA