Neidaw wym biang i dor, pyndam ka HPC ya ka Tender wow chna ya ka yung dorbar chna aiñ ka jylla

Shillong: Ka High Powered Committee (HPC) kawa pait neibynta wow chna ya ka yungdorbar chna aiñ wa thymme ka jylla da pynman yalang ko wow pyndam noh ya ka khut Tender wa da khut lyngba ka tnat PWD yong ka sorkar jylla.

Hawa klam wa kiwa pathai khubor hadien wa kut ka yalang ka HPC, u Chairman ka Committee u Abu Taher Mondal da pyntip u wa ka HPC ha u bnai wa da e kti ko ha ka tnat PWD wow pyllai ya ka khut Tender ya ki 3 tylli ki Company wa da chah jied wa kynthup ya ka Shapoorji Pallonji Co Ltd, ka Simplex Infastructure Ltd waka Shri Gautam Construction Company Ltd.

“Ka tnat PWD da paan yarap ko na ka HPC hajrong i khut tender wei hadien wa da chong yaklam bniah ya kani ka kaam, ka Committee da chim ko ya ka rai wow pyndam noh chwa ya kani ka Tender neibhah ym yahaap ka Financial Bid yong kini ki Company,” ong u Mondal.

Da ong u leh wa i daw wow pyndam ya ka khut Tender toh hadien wa ym sñiaw yahaap ya i dor wa kini ki Company da booh ki wow chna, neibhah ka Shapoorji Pallonji Co Ltd da booh dor ko wa palat hadooh 29.92%, ka Simplex Infastructure Ltd da tam 23.91% katwa ka Shri Gautam Construction Company Ltd i dor ko toh wa duna hadooh 15.01%.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

U Mondal da ong u leh wa ka sorkar da thmu ko wow e yei kreh cha ka Company kawa ye u kreh hei dor wa duna tangwa neiliang ka tnat PWD hadien wa yoh pdiang ko ya i booh dor duna na ka Shri Gautam Construction Company Ltd da paan pynche ko na kani ka Company wa heiwon i rukom ye ko u pynrkreh hei dor wa duna hadooh T. 15. 84 Klur na ka mang poisa yong ka sorkar kawa man T. 105. 58 klur.

“I ymye i u e kreh kulmar ya kani ka kaam wot lada i kwah i ha ka dor wa duna neibhah man ko ka kreh wa kyrpang,” da ong u Mondal.