15 49.0138 8.38624 1 0 4000 1 https://wyrta.com 300 0
Advertisement ad1

Hadooh 18 Lak tam booh thong ka tnat Election ka jylla wow poi kiwa thap vote ha u 2018

0 Comments
Advertisement ad1
Advertisement ad1

Shillong: Ka tnat Election yong ka jylla da booh thong ko wow pynpoi hadooh palat 18 Lak tam kiwa thap Vote ha ka jylla waroh kawi chwa wow wan ka Election ha u 2018 wei hadooh katni i em kiwa ye u thap Vote da kynjoh hadooh 17 Lak tam we i pynpsiah pyrtuid daw kut i ha u Kmaichonglad (Dec).

U CEO da ong u wa ka tnat Election da pynman ko leh ya i pynche paidbah heiwa kammon u pynemkaam ya ka EVM wa ki kor VVPAT.

Da ong u wa ki bru na ka Election Commission of India, Delhi daw wan pait ki ya ka jylla Meghalaya ha uni u bnai wow pynkhreh ya ka election ha ka jylla wa ya ka tarik wow pynman ya ka Election daw rai da ki heh kani ka Commission.

Da ong u wa ha ka yalang yong ka ECI da booh le tylli ki bynta kiwa kynthup ya ka Sugam ka wow pait ya i e permission, ka Suvidha wow e permission ya ki seiñ saiñ pyrthai wow pynman yalang wa kiwi kiwa emkaam ha ka election wa ka Samadhan wow pait wei wow ap yei eh i khoo wa yachem ki paidbah khamtam kiwa yatoh wa ka aiñ Election næ ka Model Code.

Hei yatoh wa i pynpsiah pyrtuid wa dang artatien lada man ki kiwa na ka ri namo ymtoh neiliang u Chief Electoral Officer (CEO) da pyntip u wada sylli bha hei yatoh wa ini.

Katkam i ong u CEO ha Sor Shillong u FR Kharkongor ympu chem wa em ki bru kiwa pyrchang u pynpsiah pyrtuid tooh wei ha ki kattu katni ki bynta ka Garo Hills ka tnat da chem ko ya kam kini ki bru kiwa kwah u pynpsiah pyrtuid tooh.

Da ong u wa hadooh katni ympu em kiwon kiwon kiwa kwah u pynpsiah pyrtuid da kiwa wan phah sumaar ha NEIGRIHMS kiwa da suba wa toh kiwa na baar ri.

Heijooh i por da ong u wa lada ki paidbah artatien ki yei em pyrtuid ha ki EPIC yong kiwon kiwon ki bru ye ki u ujor deiwa pyndap ya ka Form 7 wei ka tnat daw khut bichaar ko ya ki.

Advertisement ad1

0 Comments

Leave a Reply