Khliehriat: U Michal Chyrmang da pynche paidbah u hajrong i chah beh seiñ noh u kamjooh wow man kam u President ka East Jaiñtia ka MPUF, deiwa ong wa seiñ ka sñiawthooh wei da tip chwa ko wa daw mih seiñ noh u deilang wa ki kattu katni ki dkhot ka seiñ, kamtæ da pynman yaka seiñ wow beh noh ya oo
Da ong u leh wa i pynbor ya oo wow mih naka seiñ toh hadien kamwa 5 snem duna i lai luti waka seiñ wei i daw wa da pynman wow mih noh naka seiñ toh hadien wa da kylli u naka Central Governing Body wa ileh da khanglaad ya ki wei ileh ym pyrchah ya ki le tylli ki Public Hearing yong ka Star Cement hawa waroh ki para seiñbhalang wa ki paidbah da pyrchah lut ki heiwa da ong u leh wa lada ym pyrchah ki daw pyrchah u neiliang yong oo tangwa da khang ya oo wow pyrchah u, kamtæ da sñiawthooh u wa em iyi iyi cha kylla wei da ong u leh wa kani ka seiñ ym em ko yei thrang wow yakhun ILP kamwa thrang kiwi ki seiñbhalang wa ki paidbah.
Sa iwi leh da ong u wa da kwah u wow mih naka seiñ leh toh hadien wym sñiawsuk u leh wow em haka seiñ kawa chah pynbaad wa leh Benami deiwa kam yaka China Bazar kawa em ha Iawmusiang, Jowai wei ym kwah u leh wow em haka seiñ kawa da kyrsum haka kaam Politics neibhah kani ka seiñ ym khanglaad ko ya kiwa yahkhmat wa ki dkhot wow embynta ha ki kaam Politics wei toh na kini ki daw wa ki dkhot da rai rangbah ki neibynta ka ri wa ka jaitbru wow mih noh na ka seiñ MPUF.
Khaddooh neiliang yong u Michal Chyrmang da pdiang u leh yei beh ka MPUF ya oo wei da kyrpaad u leh ya ki paidbah kiwa jooh chaniah ha oo wym toh u dooh kyrmen ki hanla ym em de u haka seiñ leh tangwa i chakri yong oo yaki paidbah ym kut ko.
