Neiliang u General Secretary ka KSU Nartiang Circle da pyntip u wa ynne i miet heipor kamwa 8 waje uwa chong chnong ka Lapangap, West Jaiñtia Hills uwa tip kam u Ras Shadap da chah dat u ha ki bru wym pu tipmit ha chnong Langkeroi wa em ha Karbi Anglong, Assam.
Da pyntip leh wa ya uwa chah dat da lai pynlait da ka KSU Lapangap Unit, heiwa neiliang ka KSU Nartiang Circle da beiñ joor ko ya ini wa jia.
Ka KSU Nartiang Circle da pyntip ko leh cha u OC ka Saitsama Out Post ya ini wa jia kamjooh cha u DSP ka West Jaiñtia Hills wei dang yang yaki pulit wow leh ko yaka takit.
Kamtæ u GS ka Nartiang da kyrpaad u ya ki para dkhot kiwa em ha Khanduli wa Lapangap wow man ki kiwa stat wei husiar yow lait na iwon iwon wa jia wa sñiawsih wei wow yaichah hadooh wow pyndep ki pulti yei takit hajrong ini wa jia.
