Neidaw wym suk lai ekti ka khynnah pyn daka yaka hi cha ka Shelter Home ha Mihmyntdu

Jowai : Kawi ka khynnah wa 10 snem ka Ewan (da pynkylla pyrtuid) da ekti ko pyn daka yaka hi cha ka yung krehkaam ka CHILDLINE wa em ha Lumbihsyntu, Mihmyntdu neidaw wa kwah ko wow em wow ri wow sumaar ya ka.

Kani ka khynnah toh ka wa dang puræ class IV ha Jowai wei da sah lang ko chirup wa u pa ko nadooh wa em ko san snem i rta.

Ka bei wow pa ka Ewan ym em de u yachong ki nadooh wa yoh diah chynrang ko heipor wa dap ko 5 snem.

Heipor wa yoh chuti tlang ko, u pa ko uwa kreh mylla jooh phah kreh u ka ha iwi i yung wa em ha Moosalyngkat.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Ewan da ong ko wa langam wei em ko du kawi ka lok kawa lai skur lang ki ha kawa jooh khana ko wa u pa ko jooh dat u ka kamtæ kani ka lok ko ha ka 29 Wisu (March) da khana ko ya ka wow lai cha ka Shelter Home (Girls) Mihmyntdu neibhah kani ka yung ye ko u sumaar wei wow yada ya ka.

Hadien wa wan khrehkot (tution) ka Ewan dei janmiet da lai ko cha kani ka Shelter Home tangwa da khang kani ka gate yong kani ka thaw.

Dei wym yohsa kani ka khynnah da lai choh dwar ko ha i yung wa em hajan kani ka thaw heiwa ki tre yung da chah ki wow psiah ko chapoh wei da phone ki cha u Number ka CHILDLINE heipor 7:30 i miet heiwa kiwa kreh kani ka thaw da wan chimkti ki ya ka Ewan.