Jowai : Ynne ka sngi ka Evergreen Sport Club da sdang ko ya ka lympung yalehke football wa tip kam ka 7-Aside Football Tournament ha Mukhla Mission, West Jaiñtia Hills.
Ya kani ka lympung da wan wai da u Kmenlang Shylla uwa man leh kam u Waheh Chnong ka Wahiajer, hei emlang u Waheh Chnong ka Mukhla Mission u F. Lyngdoh ki waheh wasian na kylleiñ ka chnong.
Ha chwa wow sdang ka lympung da em ka yalang kawa da pyllai da u I. Suna heiwa da sakhi leh ya ki chaad wa da pynkhreh da ki khon khyllood ka Evergreen Sport Club.
Da pyntip wa ha kani ka lympung da wan chimbynta da ki 24 tylli ki dhab na kylleiñ ka ri-loom Jaiñtia.
Ka yakhun wa nyngkong kani ka lympung da yaleh hapyrdi ka Mukhla Nongrim wa ka Knia Mynso (Rymbai) heiwa ka Mukhla Nongrim da jop ko ha ka yachut Tie Breaker da 4 la 3.
Discussion about this post