Katwa i takit dang lai i chaphrang, u payu u Raja Raghuvanshi, u Vipin da kam u wa dang em chooh ym du kiwa da chah kem kiwa emkti hei wow tynyap ya u Raja.
U Vipin da ong u wa ka Sonam hawa wan pyndem ko deiwa Phone chwa cha u payu ko, da pyntip ko wa em ar ngut ki bru wa wan booh ka tangwa kammon won ym tipmit ko ki wei hadien won da ong wa dapoi ko samen da kani ka Bus iwa mut wa chna donhi ko yeini waroh.
Da pynbaad u leh wa ka poi ko cha Ghazipur, UP deilang wa ar ngut neibhah kani ka chnong man ko leh ka chnong tre u Raj Kushwaha wei ka bei ka Sonam tip ko leh yeini wa yalang wei yalai ko wa u Raj tangwa murieh ko yeini.
U Vipin da ong u leh i daw wa lai ko cha Ghazipur toh neidaw wa man i i chnong tre u Raj wei da rieh ko heini waroh kitu ki por.
Chooh chooh da ong u wa ka Sonam klam Phone ko deiwa slem bha wa u Raj Kushwaha hadien wa chah tynyap u Raja wa heipor wa chem yei metyap u wei ym leh ki yeini lada ym emkti deilang wa u Raj wow sooh buit u leh yeini.
Heiyatoh won wei man i long ka Sonam, u Vipin da ong u wa da takit ki yei man ko chwa i bia wow Raja tangwa em kattu katni ki bynta wym tip ki heiwa da ong u leh wa ka bei ka Sonam da murieh ko yei man ko wei lada tip ki ym pdiang ki yei bia.
Da ong u leh wa lada toh wa tip u pa deilang u payu ka Sonam chaphang u Raj, da beh kreh bait ki oo neibhah kreh u kam u Accountant ha ka karkhana ki.
Heijooh i por u Vipin da chaniah u yei takit ki pulit wei ngait skem u wa waroh kiwa emkti leh u chah kem wei u chah pynchitom ki.
Discussion about this post