Ngam ka jhaad wa kit 3,000 tylli ki kari chirup wa ki kari bordiñ

Hadien kamwa le tayaaw wa iñ ka jhaad kit kari wa kynthup ya ki kari bordiñ (Electric Vehicle), da ngam noh ko ynnin. Kani ka jhaad toh ka wow lai cha Mexico tangwa da ngam noh ko ha North Pacific Ocean.

Kani ka jhaad Morning Midas, kit ko 3,000 tylli ki kari thymme wa kynthup ya ki 800 tylli ki kari bordiñ wei da ngam ko hajan Aleutian Island, Alaska kawa pynlai da ka Zodiac Maritime na London.

Ka Morning Midas da ngam ko ha duriaw wa yillu 16,404 ft iwa jngai kamwa 415 mile na rood duriaw. 

Neiliang ka US Coast Guard da ong ko wa ym em dak wa pynmih jakhlia (Pollution) kani ka jhaad hadien wa ngam ko. 

Related posts

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

Kani ka jhaad jrong ko 600 feet wei da sdang iñ ko ha ka 3 tarik uni u bnai heiwa da em 22 ngut kiwa kreh ha ka ya kiwa da yoh wow pynlait.