Ki pulit ka East Garo Hills District ha ka 23 tarik uni u bnai hadien wa da tip tikna, da phah ya ki pulit ka Williamnagar wa Rongjeng Police Station yow lai thooh hapoh kawi ka khloo wa em hajan ka chnong Chikama kawa dang haap hapoh ka Rongjeng Police Station.
Yeini da yahkhmat da u Additional SP, Williamnagar deilang ki heh pulit ka Rongjeng PS wa Williamnagar PS heiwa da sdang yei thooh heipor 11:30 i miet ka 23 tarik.
Kamtæ heipor kamwa 2:00 waje i step ka 24 tarik da chem ya chiboon ki tiar yaleh nadooh ki kuli wa kawi ka Pistol (Country Made).
Ki kuli wa da chem toh 212 tylli kiwa man kam ki kuli suloi AK ki wym pu em siat.
22 tylli won kiwa suba toh ki kuli Anti-Aircraft, 13 tylli kiwi won toh kiwa da sih kiwa man kam ki kulit Anti-Aircraft hi kiwa ym em khlieh de, 11 tylli won ki khlieh kuli donhi wa 52 tylli won ki kuli 6.5 mm ki wym pu em siat.
Discussion about this post