Jowai : Hadien i step yong ynnin ka 22 tarik ki Police ka Traffic Branch Jowai deilang wa ki wa kreh ka Jowai Municipal Board da kit ya ki mar wei da phah kyrriah ki ya kiwa chong dai rood sarok, ynne ka 23 tarik leh da leh ya i jooh biang tangwa boon kiwa chong dai da bien ki u krehlang wa ki Police heiwa da kyrriah ki cha dien ki luti lai kjet.
Da chem leh hadooh wa pynmih ya kani ka khubor ym pu em ki wa chong dai kiwa tia biang cha luti lai kjet wei da yoo kylooid ka sarok khamtam nadooh ka skur H.K. Singh hadooh ka office u DC.
Ki Police da ong leh wa da leh yeini kam chibynta yow khooid ki luti ki syngkieñ neibha mih boon ki kjep na kiwa chong dai manda dep ki u chong dai wei da ieh ki leh ya ki kriah yong ki pyn ha ki thaw dai khlem pyllang ya ki.
Ki Police ong ki wa daw leh yeini man ka sngi hadooh wa sñiawthooh kiwa chong dai yei emkaam u man kiwa lehkhooid kamjooh leh yow suk i lai i wan ki paidbah khamtam ki khynnah skur.
Discussion about this post