15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyndep ka Raij Mukhla ya ka lehniam Behdieñkhlam

0 Comments
Advertisement ad1
Advertisement ad1
Advertisement ad1

Jowai : Hadien wa da pyndep ki Raij waphær waphær u pyndep ya ka lehniam Behdieñkhlam, ynne ka 22 tarik ka Raij Mukhla da pyndep ko ya ka lehniam Behdieñkhlam yong ka heiwa u Dr. RC Laloo da wan sakhi u ya ka kam u kongsan.

Ka lehniam da sdang nadooh ka Pynsiñ 19 tarik, heiwa da em ka Dorbar Niam wow pyrkhat ya ki wow lai li daiñ ya ki le tylli ki Dieñkhlam.

Ha ka Mulong 20 tarik hadien wa da dep daiñ ya ki Dieñkhlam, da rah ya ki cha Madan Slotmasi wei manda poi heini da pynman biang ya ka Dorbar Niam ha Yung Langdoh ka Raij.

Ha ka Musiang 21 tarik ha Madan Slotmasi da yachem ki khon ka Raij yow chaad sngi nadooh na Chohchrieh hadooh ha Umlangchor hwei da rah ya ki Dieñkhlam yow pynyieñ ha Madan Slotmasi, iwa pynbood won sa ka Dorbar Niam yow pyrkhat ya ka sngi Muchai.

Ynne ka sngi khaddoh ka Muchai 22 tarik dang step da pyndep ya ka Kyntiñ Khnong iwa pynbood ya ka Knia Syiem Khlam ha Khloo Blai katwa ki khon ka Raij lai Choh Thyndai yung ki.

Ha kani ka sngi da wan sakhi ya kani ka sngi khaddooh ha Biar da ki hajar ngut na kylleiñ ka ri loom Jaiñtia kamjooh ki MDC, ki sahep sorkar wa kiwi kiwi wow wan sakhi ya ki rong wa ki rot wa da rah ki khon ka Raij, ha kani ka sngi da pynpoi hadooh 12 tylli ki rot.

mukhlabeh10

mukhlabeh9

mukhlabeh1

mukhlabeh2

mukhlabeh3

mukhlabeh5

mukhlabeh6

mukhlabeh7

mukhlabeh8

mukhlabeh4

Share this:
Previous

Du ka NPP wow ye ki paidbah u kyrmen ha Meghalaya : Conrad Sangma

Next

Ngeitsneiñ kiwa chongdai harood sarok ha Jowai