Jowai : “Katwon man i i sñiawngooh ya u Montri Rangbah ka jylla wa da pynbna paitbah u yaka Kaiphod takit hei yatoh wa iwa jia ha Mookhep haka 24 Naikhynde 2014. Hawa phai cha katai ka Kaiphod kawa da ekti chaka Sorkar da u D.P Wahlang uwa khlieh ka dhab takit, neiliang ka JNC da da ong ko wa kammon wa ka da kdaw du yeithaw sah kiwa yalam ya ka MIPRL, katwa da murieh won yei pyrtuid kiwa emkti wow siat yap ya ki paidbah” da ong u Sambormi Lyngdoh,Chairman ka JNC.
Da kynnoh chooh chooh u wa ka kaiphod takit yong u D.P Wahlang man ko kawa noh chilliang neibhah wa da khana du yei thawsah kiwa yalam ka MIPRL wei yei tlot ka Tnat Pulit, wei ym em i pyrtuid ki sahep wada ebor wow siat ya ki paidbah.
Heiyatoh weini ka seiñ daw phah ko daka Dorkhas (Memorandum) cha u Montri Rangbah ka jylla u Dr Mukul Sangma heiwow phah takit noh ha ka CBI yow yoh u paidbah yei hok yong ki.
Discussion about this post