Pynrem joor ka JYF Women’s Wing ya u MB Rymbai wa thmu u knieh ya ka chuki u ma T. Shiwat

Jowai : Ka kong Arlin Dkhar ka President ka Women’s Wing yong ka JYF da ong ko wa ka seiñ da pynrem joor ko ya u MB Rymbai yei soohbuit yong oo yow knieh ya ka chuki CEM u ma T. Shiwat ha kani ka Budget Session yong ka JHADC wa dang dep.

Ka Women’s Wing da ong ko wa u MB Rymbai toh uwa baamsap ya ka poisa ka JHADC hadooh T. 1, 18, 50,000 heipor wa dangman u kam u CEM ka JHADC.

Kamtæ ka seiñ da sñiaw phylla ko wa hadooh katwon wa nood uni u bru wa baamsap u thmu u tooh ya ka chuki u CEM heiwa tang ya ka poisa wa da bamsaap u ym pu em dep su u cha ka JHADC. Da pteiñ deiwa ong wa uni u bru toh uwa da dep chah kset patok wei wym yahap de u chong ha ka chuki u CEM.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da kyntu ka seiñ ya waroh ki MDC wa ym hoi u elad kam ya uni u bru u man u wa yahkhmat ya ka JHADC neibhah lada yoh laad u daw riñ lut u ka ka poisa ka JHADC.

Ka seiñ da kyntu ko leh ya ki pulit yow pynman ya ka takit yong ki kawa pliah khnang yow yoh u pynchitom ya uni u bru katkam ka aiñ.