theme-sticky-logo-alt
theme-logo-alt

Noh jhep ka JMB sa ha Wapung Shnong, phah kit biang ka chnong

Ka Dorbar Chnong Wapung Shnong da pynsñiaw ko yei chrai heiwa da pynbaad ki wa ka Jowai Municipal Board (JMB) da wan ko wow noh yei jhep hapoh ka chnong ka thaw khlem da pyntip wei khlem da yoh bor.

Neiliang u Waheh Chnong, u Kduplang Ryngkhlem da ong u wa tikna ini i jhep toh iwa wan na West Jaiñtia Hills neidaw wa da em ki kattu katni ki kot ki sla wa da chem ki na ini i jhep kiwa toh ki yung krehkaam wa em ha Jowai.

Kamtæ da ong u wa kam ka Dorbar Chnong pyrchah ko ya ini i leh ka Jowai Municipal Board (JMB) iwa da ktah joor wei da pynsñiawsih ya kiwa chong chnong neibhah wa ini i leh daw ktah ko yei chait i khiah, yaka rymaw waka umbaam umdih wa em chiboon ha kani ka thaw.

Da kyrpaad ya ka JMB wow wan li kit noh ya ini i jhep hapoh chi sngi ar sngi wei lada ym leh ki yeini neiliang ka chnong daw kit ko wei daw li noh ko ya ki cha ka yung krehkaam ka JMB wei kam ka Dorbar Chnong leh ym e laad ki wow noh jhep hapoh ka chnong ka thaw neibhah ka chnong ym toh ka thaw noh jhep.

Neiliang ka JSM waka MPUF leh da pynsñiaw ki yei pyrchah yeini wa leh ka JMB ka wym em de pyrkhat kawa lai da ka luti wa bakla khlem da pyntip khlem da pynche paidbah chwa wow leh ya ini i kaam.

Da dawa ki leh ya ka JMB wow wan kit noh yeini i jhep wei lada ym leh yeini daw chim da ka luti wa eh.

Share this:
Previous

Kem ki pulit ya soo ngut ki khynroo wa lute ya u Principal skur

Next

Da pynsangeh chwa ya ka Final kamjooh ka khle nasib ka ELSA