Ka kari yong ka MDC ka VPP na Malki-Laitumkhrah, ka Deity Majaw da noh ko cha khap nala ha Ri-Bhoi District heiwa hapoh kani ka kari da chem wa em boon ki tadong Beer.
Yeini da pyntikna leh da ki pulit kiwa da khana wa ini da jia i ha ka 8 tarik uni u bnai heipor kamwa 11:00 waje i miet ha u sarok NH-6 ha chnong Quinine, Ri-Bhoi District.
Kani ka kari toh ka Hyundai Grand i10 kawa em Number ML05-S-1130 wei kawa wan na Guwahati yow lai cha Shillong.
Ya kani ka kari da yah da u Aldoly Mawthoh uwa na Malki Pdengshnong, Shillong wei hapoh da emlang leh ka Deity Majaw wa uwi won uwa tip kam u Jeoffrey Pohlong uwa na Malki Pdengshnong, kiwa da mynsoo ha ini i jia.
Ya ka MDC wa u Jeoffrey kiwa da mynsoo da pynkit noh da ka Ambulance cha Bethany Hospital, Nongpoh hachwa u poi ki pulit ha ini i thaw wa jia.
Da pyntip leh wa ya kini kiwa mynsoo hadien da pynkit noh cha Apollo Hospital, Guwahati yow yoh yei sumaar wa bha.
Ya ka kari da taan noh da ki pulit cha Nongpoh Police Station.
Discussion about this post