Ha iwi i jia wa phylla, ynnin ka sngi uwi u bru da nohyap u na kawi ka flyover wa em hajan ka Netaji Subhas Chandra Bose International Airport wa em ha Kolkata.
Ya uni u bru wa tip kam u Oinam Ranjan Singh, uwa 50 snem wei toh uwa na Imphal, Manipur.
ADVERTISEMENT
Da ong wa u Singh da wan u cha Kolkata na Imphal ha ka 23 tarik uni u bnai heiwa da yoo ya oo ha Airport la kattu katni sngi wei da toh u liwan u ynnin ka sngi cha chnong.
Ini da jia i ynnin i sngi heipor kamwa 3:23 waje.
Ya u Singh da kit wut-wut cha thaw sumaar da ka ambulance tangwa da yap noh u ha luti.
U Acting Director ka Kolkata Airport, u Dhanamjaya Rao da ong u wa ki pulit na ka NSCBI Police Station da kit ki oo cha thaw sumaar ha Barasat wei ympu tip yei daw wa nohyap u.
Discussion about this post