Nyngkong suba boi u Bomb tangwa chem da u bhang hapoh ka muna wa em wa ieh ha Polo

Ynne heipor kamwa 2:00 waje i sngi da chem ya kawi ka muna rong yong wa da em wa ieh ha yaaw Polo, Shillong iwa da pyntieñ ya kiwa boon heiwa da wan ki Bomb Disposal Team yow leh yeiwa emkaam kiwa da wai ya kani ka muna tangwa ym em chem Bomb.

Hawa wai won ya ki yusong wa em hapoh kani ka muna da chem wa kini ki yosong toh kiwa em da u bhang, kamtæ da pyntip cha ki pulit ka Anti-Narcotics Task Force (ANTF) yow wan chimkti ki.

Chwa ini da wan u Nijimu Fithu (24 snem) uwa na Kenuozou Colony, Kohima Sadar District ka jylla Nagaland uwa da wan wow kam ya kani ka muna yow chim noh ka tangwa ym em e laad heiwa da khut bait ya ki Bomb Disposal Team yow leh ki yei kaam ki.

Related posts

Yap 13 ngut hapoh ka Bus wa iñ hadien i yatyrrah wa ka Bus

March 26, 2026

Chah ka Iran wow pynemkaam ka India wa kiwi de ki ri wa ya bha lok ya ka Strait of Hormuz

March 26, 2026

Kamtæ da kem noh ya u Nijimu Fithu uwa da kamtre ya kani ka muna.