U Montri Rangbah ka jylla, u Conrad K Sangma ynne da beiñ u ya ka Voice of the People Party (VPP) yei wym bien ko wow wan cha ka All Party Meeting kawa da khut yow yaklam yaphyllu ya ka Report ka Expert Committee hajrong ka State Reservation Policy, deiwa ong wa ki Party hap ki wow pynyoo wa em sakhiat ki yei kitkhlieh hajrong ini i kaam.
Da ong u wa ini da man iwa sñiawsih hawa klam ha ka yalang wa pdiang ya u President ka KAS, u Dr. DRL Nonglait kam u kyrtong ka NPP cha ka Election chiteiñ samoi ka Shillong Lok Sabha.
“Tip phi waroh wa ka Expert Committee da wanrah ko ya ka Report hajrong ka Reservation Policy wei deiwa dawa ka Liang Pyrchah hapoh ka yung dorbar chna aiñ, da khut ya ka All Party Meeting yow yaklam bniah wa kammon u leh heiwa ynnin da khut ya ka Meeting.”
Da ong u wa waroh ki Party da wan ki wow embynta tangwa kawi ka Party won kawa nadooh wa sdang kawa da wanrah ya kani ka mat wow pynyoo paidbah wa sñiawkhia ki yeini wei u yaleh ki hadooh wa kut mynsien, tangwa da yoh da ka chiti na ki wa dang em kiwi won ki kaam wa rap khia wa emkaam u leh ki wei da man ko i daw wym em wan ki.
U Conrad da ong u wa da em i kyntien wa ong wa hap i wow lai katkam wa klam i wei ini mut i ym du ki ktien tangwa i kaam wa rap kordor. Wei lada maya ya ka jaitbru ya ka ri hap wow pynyoo leh katkam ka synchaar paidbah.
Discussion about this post