Ong Nathaniel wa oo toh u Christan, heitæ chah siat wot u ha Pahalgam

Iwa jia ha ka 22 tarik ha Pahalgam ka Jammu and Kashmir da wanrah ko yei sñiawsih wa khroo ya ka yung u Sushil Nathaniel.

U Nathaniel toh uwa na Indore, Madhya Pradesh, wei kreh u kam u Branch Manager ka LIC, da chah siatyap u katwa ka khon u da mynsoo ko hadien wa ka leh chah siat ko.

U Nathaniel da laike u cha Jammu and Kashmir ha ka 19 tarik chirup wa ka kurim, u khon wa ka khon u.

Related posts

Yap sa 21 ngut nei chlai-um ha Assam | Palat 5 lak ngut kiwa chah ktah

July 22, 2026

U phah takit u DC ya ka Scheme e baam ya ki khynnah wa ki manbei wa punkhon ha East Jaiñtia Hills

July 22, 2026

Ka kurim u Nathaniel, ka Jenifer da ong ko wa ki damok da phah ki ya u Nathaniel wow ong ya ki kyntien Kalma (ki kyntien yong i ngait niam Islam) tangwa ymtip u ki wei da khana u wa oo toh u Christan, mar heitæ da siat wot ki oo.

Neiliang u montri rangbah ka Madhya Pradesh da ong u wa waroh kawi ka jylla em ko chirup wa ka yung u Nathaniel.