Ood ki wa rep wym yoh sboh hanlada wan yang ki la ar le sngi

Jowai: Ki paaid wa rep ka West Jaiñtia Hills District da khñium ki neidaw wym yoh sboh ki naka tnat Agriculture Jowai, hanlada wan yang ki ha kani ka yungkrehkaam la 2, 3 sngi lynter. Boon ki paidbah da khuslai ki deiwa ong wa ymtip ki wow leh kammon ya ki lyngkha yong ki kiwa da biang i por wow thung noh.

Kani ymtoh ka sien wa nyngkong wa ki wa rep chem ki yei eh i khoo neibhah man u snem hachwa wow hiar thung ki da haap pathan ki u yaknieh sboh cha kani ka yungkrehkaam wei ynne leh da sakhi ya ki spah ngut kiwa wan thooh sboh.

“I sñiawsih i wa ka sorkar ym pyrkhat ko ya i ki paidbah, haap pyllut por i hadooh 2,3 sngi wow wan yang sboh waroh chisngi wei i sboh leh ym yoh i. Ka sorkar kam ko wa kwah ko u kyntu wow yarap ya kiwa rep tæ paya ha ini i rukom mo yarap ko?” da kylli u Waheh Chnong ka Muthlong u Antony Lyngdoh.

Da ong chooh chooh u wa lada em sboh toh u dai lut katwa joh wei ynnin kani ka yungkrehkaam da ong ko wym em sboh de, tangwa manda liwan ki paidbah da saam sboh won ko.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da ong u wa kani ka yungkrehkaam toh u pyntip ko ya ki tarik wa yoh neibhah ki paidbah du wa tip ki wa yoh sboh da hær rngu ki wow lai thooh sboh.

Hawa yaklam wa u sahep wa pait yeini u L. Laloo da ong wa kawi na ki daw toh wa slem ka sorkar wow pyllait poisa wei wa duna i poi sboh ha ki stock wei emkaam wow saam yei sboh nadooh u Duyatra (January) khnang wa manda poi i por ki paidbah ym tieñ de ki.

Sa iwi da ong u wa katni ki paidbah chaniah ki du yei sboh chyieñ neibhah wa da khang ya ki sboh dawai (chemical fertilizer) wei ka yungkrehkaam u saam ko yei sboh katkam wa em ha stock.

Da ong u leh wow pyndooh yeini i eh wa yachem ki paidbah toh deiwa pynpoi sboh ka sorkar rap boon cha Jaiñtia Hills katkam wa dawa ka thaiñ.

U president ka MPUF u D. Laloo ha kani ka sngi hadien wa da dep yaklam u wa ki kattu katni ki wa rep da ong u wa ka emkaam u pyntip ya ka sngi wow saam sboh ka sorkar khang wa ki paidbah ym chah thok næ u sah ki hei langoh wei da ong u wa ka seiñ suba ko wa em kiwa dai tooh ya i sboh wei daw takit ki yeini waroh.