Chibynta i kynroh ka PA Sangma Sports Complex wa kær ya u pood kani ka thaw yalehke iwa em hajan ka Sewage Treatment Plant waka Indoor Hall 2 kawa dang pynchna, da oor i hei miet ka 1 tarik.
Neiliang ka sorkar da pyntip ko wa i oor ini i kynroh ym em ktah ko ya kani ka Stadium iyi iyi leh wei da phah ya ka Hindustan Steelworks Construction Ltd. kawa kreh yow pynchna wow phah ko ya ka Report heiyatoh wa ini.
I daw wa jia toh nei joor u slap hadooh wa da chlai ki dooid kiwa da dep chna tangwa da em i thut i lai ka um neidaw wa dang em i kreh iwa dang lai chakhmat hadooh kattæ ha kani ka Stadium iwa da pynjoor yei sahkut ka um.
Chooh chooh da ong wa ini i kynroh toh iwa da chna du neibynta wow kær ya u pood wei ym pu toh iwa da chna pura wei da pynyieñ yei kynroh yow lait ki bru u psiah chapoh i thaw wa chna.
Nei oor ini i kynroh da em leh ka manyung wa da chah ktah wei ya kini da kyrriah wei da e thaw sah ya ki wei da e yarap leh cha kani ka manyung Rs. 1.3 lam kam wow yarap ya ki.
Kam wow pynkynmoo wa ynnin u snem i kynroh kani ka P.A. Sangma Sports Complex wa em ha Tura wa em ha rood wot ka madan bol da oor i ha u Naiynru u 2023.
Discussion about this post