Jowai: Ynne ka sngi da sakhi yei oor khyndaw, ki kynroh wa i pat ki dieñ ha kiwa boon tylli ki thaw ha Jowai.
I oor khyndaw da jia i ha Riatsasim, Salaroh, Wah Gate, sarok Syntuksiar, Riatturiem, New Hill wa kiwi kiwi ki thaw.
Ha Salaroh i oor khhyndaw da kah i ya u sarok wei ym lait de ki kari wow lai wow wan kamjooh leh ha sarok Syntuksiar heiwa da haap pynemkaam da ka poohchiloom wow pynkhooid ya i khyndaw.
I oor khyndaw ha Bypass na Riatsasim cha Sarok Jowai Shillong leh da kah luti i ya uni u sarok.
Nalor ini da em leh i oor i kynroh kær pood ka Kiang Nangbah Govt. College, da oor kynroh leh ha Khliehiongriang, ha Salini Colony, Chutwakhu wa kiwi ki thaw wada wanrah yei maa wa i siermynisen yaki yung ki sem.
Neiliang ki bor District ka West Jaiñtia Hills da phah ki yaki waheh chnong wow sñiawbha u pynbna paidbah ha jar jiar ki chnong wa kitu ki parachnong parathaw kiwa chong yung ha ki chariñ loom wa yoodur wa em i maa na uni u slap wa i oor khyndaw wow sñiawbha u thooh laad wow lai sah miet cha ki yung wa ym em i maa.
Discussion about this post