Ka lympung yaleh Cricket wa tip kam ka Open to All Cricket Tournament 2023 wa pynman da ka West Jaiñtia Hills Cricket Association Jowai kawa mar 35 Over chilliang, dapoi ko cha ka yalehke wa le ynne ka sngi wa da pynman hapyrdi ka Lion Sports Youth Affairs waka Ummulong Sports Club ha madan Khliehtyrshi Mini Stadium heiwa ka Lion da jop ko da 6 Wicket.
Ya ka kylla-khlem da jop da ka Lion Sports Youth Affairs wei da jied ko u kawang bol nyngkong heiwa da ye ko u pynhaap lut ya ki Wicket ka Ummulong ha ka 17.4 Over deiwa lehbha u Namewanki Pakyntein uwa da yoh 4 Wicket na ki 5 Over chirup wa u Dauni Laloo wa u Deibormi Rangad kiwa da yoh mar 2 Wicket samen yow pynkut yei kamai Run ka Ummulong da 96 Run deiwa kamai boon u Rejoice Gassah 21 Run wa u Wellmanson Passah da 18 Run.
Ka Lion hawa beh yei thong da ye ko wow pynjop ha ka Over wa 15.1 deiwa kamai u Sanki Pakyntein 23 Run deilang wa u Kitbok Rangad wa u Nik Dan kiwa da yoh mar 22 Run samen. Na kiwa kawang bol ka Ummulong da lehbha u Wellmanson Passah uwa da yoh 2 Wicket.
Yei naam Man of the Match da yoh da u Namewanki Pakyntein yong ka Lion Sports Youth Affairs.
