Ka Open to All Knockout Football Tournament-2022 wa pynman da ka West Jaiñtia District Sports Association (WJDSA) Jowai, kam chibynta i lehkmen dap 50 snem ka seiñ da pteiñ ya ka ynne kawa man leh ka sngi wa soo kani ka lympung.
Da pynman ar tylli ki yalehke wa sdang nyngkong da ka Jarain FC waka Chirupdeilang wa jop da ka Jarain da 8-0.
Ya ki kool da thap da u Riborlang Dkhar haka minit wa 11, 14, 29 wa 76, u Welmison Dkhar haka minit wa 49, 61 wa 73 wa u Knerkitlang Buam ha ka minit wa 64.
Ha ka yalehke wa ar, ka Mukhaialong da jop ko yaka Lama Youth FC da 3-2 deiwa yachut Tie-Breaker hadien wa ka yalehke da kut ko da 1-1.
Mynstep ka yalehke u man ko hapyrdi ka Ladthadlaboh waka Sailang FC Wapung heipor 2:00 waje i sngi.
