Paan jubab ka JTTA na ka JHADC yeiwa duna ki dukan ha Iawmusiang wa dang chna

Ynne ka sngi da pynman ya ka yalang General Meeting ka Jaiñtia Tribal Traders’ Association (JTTA) ha Yungwalieh ka Tpep Pale, Jowai.

Ya kani ka yalang da khut wow pyrkhat kammon u leh heiyatoh wa ka Iawmusiang Shopping Complex, wa ye u dooh dukan ki bru wa jooh chongdai ha ka nachwa.

Neiliang u President ka seiñ, u Iatha Najiar da khana u wa heipor wa kyrriah ya kiwa chongdai na yaaw warim ha Iawmusiang da em kamwa 600 ngut kiwa em thaw chongdai namo kiwa ksoh Permit tangwa katni da chna du kamwa 300 tylli donhi.

Da ong u wa boon kiwa kylli na ka seiñ kammon u leh ya kiwa ym yoh ya ki dukan, kamtæ da khut noh ya kani ka yalang.

Related posts

Chirup ki heh chipai kynmoo warom ya u chipai uwa na Mukhaialong | Chna ka manyung da u motdur sahnaam

February 28, 2026

District Cricket League: Jop ka Dulong ya ka Khimusniang

February 28, 2026

Da khana u wa katkam wa man da rai na ka yalang wow thoh cha ka JHADC wow paan i pynche na ka wei wow e por ya ka ar tayaaw wow leh yeini wei lada ym jubab ko neiliang ka seiñ daw pyrkhat ko da kawi tawon ka luti.