Paan ka KHADC yei pyrtuid ki Exporter wa ki tre paar yow yoh ryntih yei bhah chalan

Ka KHADC ynne ka sngi da khut ko ya ka yalang kiwa chalan mar wa ki tre paar yong ka thaaiñ Hima Sohra, Sohbar, Nongjri, Wahlong, Shella wa kiwa chong chnong ka Majai wa kynthup ya kiwa khayi cha baar.

Waroh da em kamwa 300 ngut kiwa khayi cha baar ri, kitæ cha Bangladesh tangwa napyrdi kini da em du 80 ngut kiwa chalan mar.

U Deputy CEM ka KHADC, u Pynshngain N Syiem da pyntip u wa ka seiñ kiwa khayi cha baar namo ki Exporter daw phah ki yei ka thup pyrtuid yong ki wei kamjooh ka Hima daw phah ko ya ki tre paar hapoh chi tayaaw cha ka Council. 

Related posts

Yoh ka Amtapoh Govt. L.P. School kawa da seiñ ha u snem 1957 ya ka yung skur wa thymme

October 29, 2025

Dawa ka seiñ JRC wow pynyoh smat ya u LGD Code ka chnong Mowluber yow yoh ko yei myntoi kamwa toh u yoh

October 29, 2025

Da ong u wa ka Council daw chna ko ya ki kyndon neibynta kiwa khayi (Exporter) wa ki Hima wei hadien wa da chna ya ki kyndon, daw khut biang ya ka yalang khnang wym ktah ko ya ka khayi pateiñ yong ki.

Chooh chooh da ong u wa neidaw wym em ka rukom krehkaam kawa ryntih, teiñ teiñ u jooh u bru da yoh psiah u yow lai booh mar boonsien chi sngi katwa kiwi won ym yoh ki.